মোবাইল অপাৰেটিং চিষ্টেম বুলিলে বৰ্তমান আমাৰ মনলৈ গুগলৰ এণ্ড্ৰইড আৰু এপলৰ আই অ’ এছ এই দুটা নামেই মনলৈ আহে। অৱশ্যে শেহতীয়াকৈ এণ্ড্ৰইডক প্ৰত্যাহ্বান জনোৱাৰ লক্ষ্যৰে বিভিন্ন নতুন থলুৱা অপাৰেটিং চিষ্টেমৰ উন্মেষ ঘটিছে। ইণ্ডিয়ান ইনষ্টিটিউট অৱ টেকন’লজি মাদ্ৰাজ (আই আই টি মাদ্ৰাজ)-ৰ অধীনৰ এটা ষ্টাৰ্টআপে নিৰ্মাণ কৰি উলিওৱা এনে এটা থলুৱা মোবাইল অপাৰেটিং চিষ্টেমে ভাৰতৰ ১০ কোটি মোবাইল ফোন গ্ৰাহকক সহায় কৰিব বুলি কোৱা হৈছে।